Падзеі

Беларусь і Кітай зацікаўлены развіваць ваеннае супрацоўніцтва

Фота "Ваяр"

12 верасня, Мінск /Кар. БЕЛТА/. Першы дзень рабочага візіту міністра абароны Беларусі генерал-лейтэнанта Віктара Хрэніна пачаўся з сустрэчы з кіраўніком ваеннага ведамства Кітая Дун Цзюнам. Аб гэтым БЕЛТА паведамілі ў Міністэрстве абароны.

У ходзе сустрэчы міністры абароны абмеркавалі стан і перспектывы двухбаковага ваеннага супрацоўніцтва, а таксама актуальныя пытанні рэгіянальнага і міжнароднага парадку дня.

Віктар Хрэнін адзначыў вынікі партнёрства паміж абароннымі ведамствамі Беларусі і Кітая. "Важным напрамкам супрацоўніцтва з'яўляецца ўзаемадзеянне ў галіне падрыхтоўкі ваенных кадраў. Падпісаны ў чэрвені чарговы кантракт на навучанне кітайскіх ваеннаслужачых у Ваеннай акадэміі Рэспублікі Беларусь стаў праявай даверу і высокай ацэнкай сістэмы ваеннай адукацыі Рэспублікі Беларусь. Мы са свайго боку гатовы пашыраць пералік спецыяльнасцей пад канкрэтныя запатрабаванні нашых кітайскіх сяброў, - адзначыў ён. - Акрамя таго, мы пачалі сумеснае ўзаемадзеянне ў галіне міратворчай дзейнасці. У ходзе нядаўняга візіту беларускай дэлегацыі ў КНР вызначаны практычныя мерапрыемствы ў мэтах развіцця супрацоўніцтва ў інтарэсах сумеснага выканання задач у адной з міратворчых місій ААН".

У сваю чаргу, Дун Цзюн пацвердзіў намер на рабочым узроўні паскорыць рэалізацыю ўжо зацверджаных праектаў, а таксама вывесці на больш высокі ўзровень ваеннае супрацоўніцтва паміж Беларуссю і Кітаем.

версія для друку

зрабіць стартавай

дабавіць у выбранае