Падзеі

Беларусь і Кітай нарошчваюць намаганні ў сферы міжнароднай бяспекі

14 лютага, Мінск /Кар. БЕЛТА/. У Мінску 14 лютага адбылася сустрэча дзяржаўнага сакратара Савета бяспекі Рэспублікі Беларусь Аляксандра Вальфовіча з Надзвычайным і Паўнамоцным Паслом Кітайскай Народнай Рэспублікі ў Беларусі спадаром Се Сяаюнам, перадае карэспандэнт БЕЛТА.

Бакі абмеркавалі актуальныя пытанні беларуска-кітайскага супрацоўніцтва, а таксама перспектыўны парадак дня ўзаемадзеяння ў сферы міжнароднай бяспекі. Пацверджана прыхільнасць да курсу стратэгічнага партнёрства, умацавання кантактаў і развіцця сумесных праектаў у сферы абароны і праваахоўнай дзейнасці.

Прымаючы пад увагу старшынства Рэспублікі Беларусь у 2023 годзе ў АДКБ, на сустрэчы выказана зацікаўленасць у развіцці адносін арганізацыі з Кітайскай Народнай Рэспублікай.

Беларускі бок абазначыў прапанову па рэалізацыі ініцыятывы правядзення ў Мінску міжнароднай сустрэчы ў рамках выбудоўвання "Стратэгічнага дыялогу АДКБ - Кітай".

версія для друку

зрабіць стартавай

дабавіць у выбранае