Падзеі

Беларусь і Кітай маюць намер развіваць супрацоўніцтва ў ваеннай адукацыі

Фота з архiва

19 красавіка, Мінск /Кар. БЕЛТА/. У Міністэрстве абароны адбылася пратакольная сустрэча кіраўніка абароннага ведамства Віктара Хрэніна з Надзвычайным і Паўнамоцным Паслом Кітая ў Беларусі Се Сяаюнам. На сустрэчы прысутнічаў новаакрэдытаваны аташэ па пытаннях абароны пры пасольстве Кітая ў Беларусі Лі Юн. Аб гэтым БЕЛТА паведамілі ў Міністэрстве абароны.

"Бакі абмеркавалі асноўныя сферы беларуска-кітайскага ваеннага супрацоўніцтва, вызначылі далейшыя шляхі актывізацыі асноўных напрамкаў узаемадзеяння ў такіх галінах, як сумесная баявая падрыхтоўка, ваенная адукацыя. Асабліва адзначаны статус нашых адносін, якія маюць характар давернага ўсебаковага стратэгічнага партнёрства і ўзаемавыгаднага супрацоўніцтва", - адзначылі ў ведамстве.

Віктар Хрэнін падкрэсліў важнасць далейшага ўмацавання і развіцця партнёрскіх адносін паміж Беларуссю і Кітаем у цэлым, а таксама адзначыў наяўнасць добрых перспектыў у сферы двухбаковага ваеннага супрацоўніцтва.

версія для друку

зрабіць стартавай

дабавіць у выбранае