Падзеі

Беларусь і Кітай абмеркавалі пытанні забеспячэння правапарадку ва ўмовах уплыву ўзброеных канфліктаў

Фота з архiва

20 верасня, Мінск /Кар. БЕЛТА/. У Кітаі праходзіць пасяджэнне Ляньюньганскага форуму па супрацоўніцтве ў галіне глабальнай грамадскай бяспекі, у якім прымае ўдзел дэлегацыя беларускага МУС. Аб гэтым БЕЛТА паведамілі ў Міністэрстве ўнутраных спраў.

Кіраўнік беларускай дэлегацыі, намеснік міністра ўнутраных спраў Дзмітрый Карзюк прыняў удзел ва ўрачыстым адкрыцці лагатыпа форуму. Лагатып сімвалізуе не толькі трансфармацыю і пераход на новы этап узаемадзеяння ў праваахоўнай сферы, але і вяху міжнароднага супрацоўніцтва і інавацый у галіне грамадскай бяспекі. Удзельнікі дамовіліся працаваць над дасягненнем усеагульнага правапарадку, што станоўча паўплывае на ўстойлівае развіццё ўсіх краін.

Дзмітрый Карзюк выказаў меркаванне, што пасяджэнне ў такім фармаце дае магчымасць абмеркаваць і калектыўна выпрацаваць шляхі вырашэння найбольш актуальных праблем у міжнароднай праваахоўнай сферы. Ён таксама адзначыў напрацоўкі ў процідзеянні IT-злачынствам, закрануў аспекты забеспячэння нацыянальнай бяспекі і грамадскага правапарадку ва ўмовах уплыву ўзброеных канфліктаў, прадухілення каляровых рэвалюцый.

Намеснік міністра ўнутраных спраў падрабязна спыніўся на эфектыўным узаемадзеянні з кітайскімі калегамі: "Дзякуючы пастаяннаму асабістаму ўзаемадзеянню кіраўнікоў МУС Беларусі і Міністэрства грамадскай бяспекі КНР сфарміравана дагаворна-прававая база супрацоўніцтва. На рэгулярнай аснове арганізаваны абмен вопытам і лепшымі практыкамі ў дзейнасці праваахоўнікаў дзвюх краін".

Акрамя таго, з кіраўніком беларускай дэлегацыі сустрэўся міністр грамадскай бяспекі КНР Ван Сяахун. Субяседнікі выказалі пазіцыі па пытаннях парадку дня, неабходнасці ўзмацнення трансгранічнага супрацоўніцтва ў праваахоўнай сферы, у тым ліку з выкарыстаннем сучасных ІТ-тэхналогій.

версія для друку

зрабіць стартавай

дабавіць у выбранае