Падзеі

16 чэрвеня, Мінск /Аліна Грышкевіч - БЕЛТА/. Дзяржаўны сакратар Савета бяспекі Беларусі Станіслаў Зась 16 чэрвеня ў Мінску сустрэўся з памочнікам прэзідэнта - сакратаром Савета бяспекі Казахстана Уладзімірам Жумаканавым. Аб гэтым паведамілі карэспандэнту БЕЛТА ў Дзяржаўным сакратарыяце Савета бяспекі Беларусі.

У гэты ж дзень прайшлі двухбаковыя кансультацыі прадстаўнікоў апаратаў саветаў бяспекі дзвюх краін. Бакі абмеркавалі пытанні супрацоўніцтва па лініі дзяржаўных органаў сістэмы забеспячэння нацыянальнай бяспекі Беларусі і кампетэнтных органаў Казахстана.

Акрамя таго, адбыўся абмен думкамі па актуальных праблемах міжнароднай і рэгіянальнай бяспекі.