Падзеі

Беларусь і Казахстан абмеркавалі абмен кантактамі на вышэйшым і высокім узроўнях

Фота МЗС

8 снежня, Мінск /Кар. БЕЛТА/. Міністр замежных спраў Рэспублікі Беларусь Уладзімір Макей 8 снежня правёў сустрэчу з Надзвычайным і Паўнамоцным Паслом Казахстана ў Беларусі Аскарам Бейсенбаевым. Аб гэтым БЕЛТА паведамілі ў прэс-службе беларускага знешнепалітычнага ведамства.

"Бакі абмяняліся інфармацыяй у рамках бягучага парадку дня беларуска-казахстанскіх адносін, абмеркавалі стан і перспектывы развіцця супрацоўніцтва на бліжэйшую перспектыву", - гаворыцца ў паведамленні.

Акрамя таго, размова ішла аб рэалізацыі двухбаковых кантактаў на вышэйшым і высокім узроўнях

Паміж Рэспублікай Беларусь і Рэспублікай Казахстан вядзецца актыўны дыялог. На рэгулярнай аснове ажыццяўляецца абмен візітамі на вышэйшым і высокім узроўнях, праводзяцца сустрэчы прэзідэнтаў і прэм'ер-міністраў Беларусі і Казахстана, у тым ліку ў рамках СНД, АДКБ, еўразійскай інтэграцыі.

версія для друку

зрабіць стартавай

дабавіць у выбранае