Падзеі

19 лістапада, Мінск /Кар. БЕЛТА/. Беларусь і Калумбія заключылі міжурадавае пагадненне аб бязвізавых паездках па дыпламатычных і службовых (афіцыйных) пашпартах. Аб гэтым БЕЛТА паведамілі ў прэс-службе Міністэрства замежных спраў Беларусі.

Дакумент падпісаны ў час рабочага візіту намесніка міністра замежных спраў Яўгена Шэстакова ў Калумбію.

Беларускі дыпламат таксама правёў сустрэчы з прадстаўнікамі бізнес-супольнасці. На іх абмеркаваны перспектывы супрацоўніцтва ў галіне сельскагаспадарчага развіцця Калумбіі, паставак прадуктаў нафтахіміі, сумеснай вытворчасці тытунёвых вырабаў, выкарыстання беларускага вопыту і патэнцыялу ў сферы інфармацыйных тэхналогій пры рэалізацыі адпаведных беларуска-калумбійскіх праектаў.