Падзеі

12 снежня, Мінск /Кар. БЕЛТА/. Беларусь і Францыя адзначаюць актывізацыю міжрэгіянальнага ўзаемадзеяння. Аб гэтым ішла размова на сустрэчы Надзвычайнага і Паўнамоцнага Пасла Беларусі ў Францыі Паўла Латушкі з дыпламатычным саветнікам старшыні Сената Францыі Юберам дэ Кансонам, паведамілі БЕЛТА ў беларускім пасольстве.

На сустрэчы разгледжана шырокае кола пытанняў двухбаковых адносін, перспектывы пашырэння міжпарламенцкага супрацоўніцтва, развіцця беларуска-французскага ўзаемадзеяння.

Павел Латушка і Юбер дэ Кансон адзначылі важнасць стварэння і функцыянавання сумеснай беларуска-французскай камісіі па эканамічным супрацоўніцтве, двухбаковых рабочых груп па турызме і навакольным асяроддзі, актывізацыю міжрэгіянальнага ўзаемадзеяння і пашырэнне супрацоўніцтва ў сферы культуры.