Падзеі

Беларусь і Экватарыяльная Гвінея пацвердзілі палітычную нацэленасць на развіццё ўзаемадзеяння

Фота МЗС

14 лістапада, Мінск /Кар. БЕЛТА/. У Малаба адбыліся перагаворы беларускай дэлегацыі пад кіраўніцтвам міністра замежных спраў Сяргея Алейніка з калегамі з Экватарыяльнай Гвінеі на чале з міністрам замежных спраў, міжнароднага супрацоўніцтва і дыяспары Сімяонам Аёна Эсуна Ангуэ. Аб гэтым БЕЛТА паведамілі ў прэс-службе МЗС Беларусі.

Бакі абмеркавалі сумесную работу па канкрэтных галінах, вызначылі графікі выхаду на двухбаковыя дакументы і праекты. "Істотная ўвага ўдзелена дапрацоўцы і ўзгадненню праекта дарожнай карты супрацоўніцтва, якая цяпер налічвае 65 пунктаў. Сур'ёзная ўвага ўдзелена развіццю двухбаковай дагаворна-прававой базы, якая павінна стварыць прававыя рамкі для больш поўнага ўзаемадзеяння Беларусі і Экватарыяльнай Гвінеі", - расказалі ў ведамстве.

Абмеркаванне і канкрэтызацыя двухбаковых праектаў будуць прадоўжаны 14 і 15 лістапада ў час спецыяльна створаных сектаральных рабочых груп.

версія для друку

зрабіць стартавай

дабавіць у выбранае