Падзеі

Беларусь і Азербайджан маюць намер узмацніць узаемадзеянне пасля пандэміі

Фота з архiва

4 снежня, Мінск /Кар. БЕЛТА/. У сувязі з завяршэннем дыпламатычнай місіі 4 снежня адбылася сустрэча Надзвычайнага і Паўнамоцнага Пасла Беларусі ў Азербайджане Генадзя Ахрамовіча з міністрам замежных спраў гэтай краіны Джэйхунам Байрамавым, паведамілі карэспандэнту БЕЛТА ў прэс-службе беларускага знешнепалітычнага ведамства.

"Бакі абмеркавалі ўвесь спектр пытанняў беларуска-азербайджанскага супрацоўніцтва, адзначылі высокі ўзровень узаемадзеяння дзвюх краін і падкрэслілі важнасць яго далейшага пашырэння пасля завяршэння глабальнай пандэміі", - гаворыцца ў паведамленні Міністэрства замежных спраў.

Генадзь Ахрамовіч выказаў удзячнасць азербайджанскаму боку за падтрымку Беларусі на міжнароднай арэне. Джэйхун Байрамаў у сваю чаргу падзякаваў беларускаму дыпламату за яго работу ў Азербайджане і пажадаў далейшых поспехаў.

версія для друку

зрабіць стартавай

дабавіць у выбранае