Падзеі

Беларусь і Арменія актывізуюць узаемадзеянне ў ЕАЭС і СНД

15 снежня, Мінск /Кар. БЕЛТА/. Надзвычайны і Паўнамоцны Пасол Беларусі ў Арменіі Аляксандр Канюк уручыў копіі даверчых грамат міністру замежных спраў Арменіі Ару Айвазяну. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

"Бакі абмеркавалі перспектывы далейшага пашырэння беларуска-армянскіх адносін і таксама актывізацыі ўзаемадзеяння паміж дзвюма дзяржавамі ў Еўразійскім эканамічным саюзе, Арганізацыі Дагавора аб калектыўнай бяспецы і Садружнасці Незалежных Дзяржаў", - гаворыцца ў паведамленні міністэрства.

Закрануты пытанні інтэнсіфікацыі супрацоўніцтва паміж Беларуссю і Арменіяй у такіх сферах, як эканоміка, прамысловасць, культура і інавацыі.

Аляксандр Канюк быў назначаны Надзвычайным і Паўнамоцным Паслом Беларусі ў Арменіі 19 лістапада гэтага года. У ходзе назначэння кіраўнік дзяржавы Аляксандр Лукашэнка падкрэсліў, што ў Беларусі з Арменіяй вельмі добрыя адносіны.

Дыпламатычныя адносіны паміж краінамі ўсталяваны 11 чэрвеня 1993 года. У верасні 2001 года ў  Ерэване было адкрыта беларускае пасольства. Пасольства Арменіі ў Мінску пачало функцыянаваць з 1993 года. З усталяваннем дыпадносін супрацоўніцтва Беларусі і Арменіі выйшла на якасна новы ўзровень, важным фактарам якога з'яўляецца актыўны палітычны дыялог, які падтрымліваецца кіраўніцтвам краін як на двухбаковым узроўні, так і ў рамках шматбаковых міжнародных пляцовак.

Цяпер дагаворна-прававая база двухбаковых адносін паміж дзяржавамі ўключае 75 міжнародных дагавораў (пагадненняў).

версія для друку

зрабіць стартавай

дабавіць у выбранае