Падзеі
Беларусь і ААЭ гатовы развіваць супрацоўніцтва ў сельскай гаспадарцы і сферы высокіх тэхналогій
25 лютага, Мінск /Кар. БЕЛТА/. Беларусь і ААЭ гатовы развіваць супрацоўніцтва ў прамысловасці, сельскай гаспадарцы і сферы высокіх тэхналогій. Размова аб гэтым ішла 24 лютага на сустрэчы міністра замежных спраў Беларусі Уладзіміра Макея з міністрам эканомікі Аб'яднаных Арабскіх Эміратаў Султанам бен Саідам аль-Мансуры, паведамілі БЕЛТА ў прэс-службе МЗС.
"У ходзе сустрэчы бакі абмеркавалі шляхі актывізацыі гандлёва-эканамічнага і інвестыцыйнага супрацоўніцтва з улікам дамоўленасцей, дасягнутых па выніках другога пасяджэння сумеснага камітэта па супрацоўніцтве паміж урадам Беларусі і ўрадам ААЭ", - праінфармавалі ў прэс-службе. У прыватнасці, бакі адзначылі зацікаўленасць у развіцці супрацоўніцтва як у традыцыйных галінах, такіх як прамысловасць, сельская гаспадарка, так і па шэрагу новых перспектыўных напрамках у сферы высокіх тэхналогій.
Асаблівая ўвага ўдзелена пытанням прапрацоўкі раней перададзеных на разгляд эмірацкаму боку сумесных інвестыцыйных праектаў.
Адбыўся абмен меркаваннямі аб перспектывах узаемадзеяння ў банкаўскай і авіяцыйнай сферах, шляхах далейшага спрашчэння візавага рэжыму.
версія для друку
зрабіць стартавай
дабавіць у выбранае