Падзеі

БДУ і В'етнамская акадэмія навук і тэхналогій падпісалі мемарандумы аб узаемаразуменні

Фота БДУ

23 верасня, Мінск /Кар. БЕЛТА/. БДУ і В'етнамская акадэмія навук і тэхналогій падпісалі два мемарандумы аб узаемаразуменні. Аб гэтым БЕЛТА паведамілі ў прэс-службе БДУ.

У ВНУ растлумачылі, што першы дакумент прадугледжвае ўзаемавыгаднае міжнароднае супрацоўніцтва ў сферы адукацыі, навукі і тэхналогій. У якасці асноўных форм рэалізацыі гэтых магчымасцей названы падрыхтоўка сумесных адукацыйных праграм і публікацый, рэалізацыя навукова-даследчых праектаў і мерапрыемстваў, абмен педагагічным вопытам, вучэбнымі, навуковымі і лекцыйнымі матэрыяламі.

У сваю чаргу другі дакумент падпісаны паміж Навукова-даследчым інстытутам фізіка-хімічных праблем БДУ і Інстытутам трапічных тэхналогій В'етнамскай акадэміі навук і тэхналогій. У прэс-службе адзначылі, што дасягнутыя дамоўленасці прадугледжваюць устанаўленне доўгатэрміновага супрацоўніцтва ў галіне распрацоўкі тэхналогій аховы металаў ад карозіі і вывучэння яе электрахімічных працэсаў.

Абмеркавалі прадстаўнікі дзвюх устаноў і пытанне стварэння сумеснага навукова-даследчага цэнтра па вывучэнні электрахімічных працэсаў асаджэння металаў, сплаваў, кампазітаў і каразійных працэсаў, якія адбываюцца на іх паверхні.

Акрамя таго, у рамках сустрэчы рэктар БДУ Андрэй Кароль і намеснік старшыні В'етнамскай акадэміі навук і тэхналогій Ле Чыонг Зіянг абмяняліся інфармацыяй аб спецыфіцы дзейнасці, адукацыйным патэнцыяле і дасягненнях сваіх устаноў. Завяршылася мерапрыемства абмеркаваннем перспектыўных напрамкаў развіцця партнёрскіх адносін і супрацоўніцтва ў галіне энергетыкі, ядзернай бяспекі, электронікі, фатонікі, медыцыны, фармацэўтыкі, аэракасмічнай і IT-галін.

Бакі ўмовіліся ў бліжэйшай будучыні правесці новыя сустрэчы, дзе дэталёва прапрацуюць агучаныя прапановы з мэтай іх далейшай рэалізацыі.

версія для друку

зрабіць стартавай

дабавіць у выбранае