Падзеі

Аўраменка і Піневіч абмеркавалі з паслом Беларусі зносіны з Вялікабрытаніяй у навагоднія святы

22 снежня, Мінск /Кар. БЕЛТА/. Пасол Беларусі ў Злучаным Каралеўстве Вялікабрытаніі і Паўночнай Ірландыі Максім Ермаловіч 21 снежня ў тэлефоннай размове з міністрам аховы здароўя Беларусі Дзмітрыем Піневічам і міністрам транспарту і камунікацый Беларусі Аляксеем Аўраменкам абмеркаваў актуальныя пытанні, звязаныя з эпідсітуацыяй у Вялікабрытаніі. Аб гэтым карэспандэнту БЕЛТА паведамілі ў беларускім пасольстве ў Лондане.

Прадметна абмяркоўвалася рэзкае пагаршэнне эпідэміялагічнай абстаноўкі па каранавірусе ў Вялікабрытаніі і ўвядзенне ў шэрагу еўрапейскіх краін забароны на ўезд брытанскіх грамадзян. Субяседнікі абмяняліся думкамі наконт магчымых наступстваў усплёску захваральнасці ў Вялікабрытаніі для эпідабстаноўкі ў Беларусі і транспартных зносін паміж дзвюма краінамі ў бліжэйшыя навагоднія святы.

"Дзяржаўныя органы Рэспублікі Беларусь сумесна з пасольствам ажыццяўляюць пастаянны маніторынг развіцця гэтай сітуацыі. У цяперашніх умовах захоўваюцца авіязносіны паміж Беларуссю і Вялікабрытаніяй", - адзначылі ў беларускай загранустанове.

версія для друку

зрабіць стартавай

дабавіць у выбранае