Падзеі

Апублікаваны закон аб ратыфікацыі пагаднення паміж Беларуссю і РФ аб ваенна-тэхнічным супрацоўніцтве

Фота з архiва

12 мая, Мінск /Кар. БЕЛТА/. Закон аб ратыфікацыі міжурадавага пагаднення паміж Беларуссю і Расіяй аб рэалізацыі Праграмы ваенна-тэхнічнага супрацоўніцтва да 2025 года сёння апублікаваны на Нацыянальным прававым інтэрнэт-партале, паведамляе БЕЛТА.

"Ратыфікаваць пагадненне паміж Урадам Рэспублікі Беларусь і Урадам Расейскай Федэрацыі аб рэалізацыі праграмы вайскова-тэхнічнага супрацоўніцтва паміж Рэспублікай Беларусь і Расейскай Федэрацыяй да 2025 года, падпісанае ў Мінску 23 верасня 2022 года", - гаворыцца ў дакуменце.

Праграмай прадугледжаны ў сярэднетэрміновай перспектыве ўзаемныя пастаўкі прадукцыі ваеннага прызначэння ў інтарэсах сілавых структур Беларусі і Расіі, правядзенне навукова-даследчых, доследна-канструктарскіх работ па стварэнні новых і мадэрнізацыі існуючых узораў узбраення, правядзенне мерапрыемстваў адзінай палітыкі ў сферы тэхнічнага нарміравання, стандартызацыі і каталагізацыі абароннай прадукцыі, сумесная рэалізацыя праектаў у інтарэсах трэціх краін, удзел у мерапрыемствах ваенна-тэхнічнага супрацоўніцтва, якія праводзяцца ў Беларусі і Расіі.

Законапраект быў прыняты Палатай прадстаўнікоў 18 красавіка, а 19 красавіка - адобраны Саветам Рэспублікі.

версія для друку

зрабіць стартавай

дабавіць у выбранае