Падзеі

Андрэйчанка: законапраект аб грамадзянстве паступіў ужо ў Палату прадстаўнікоў, чакаецца праект закона аб амністыі

19 верасня, Мінск /Кар. БЕЛТА/. Законапраект аб грамадзянстве паступіў ужо на разгляд дэпутатаў, чакаецца праект закона аб амністыі. Аб гэтым заявіў старшыня Палаты прадстаўнікоў Уладзімір Андрэйчанка на пасяджэнні Савета Палаты прадстаўнікоў, перадае карэспандэнт БЕЛТА.

"У Палату прадстаўнікоў паступіў ужо законапраект аб грамадзянстве, чакаецца праект закона аб амністыі. Гэта тыя пытанні, якія цяпер маюць асаблівае гучанне, закранаюць нацыянальную бяспеку нашай дзяржавы. Таму дэпутатам трэба вельмі ўзважана і ўважліва паглядзець іх праз прызму забеспячэння стабільнасці і спакою ў грамадстве", - сказаў Уладзімір Андрэйчанка.

Паводле яго слоў, дэпутаты пастаянна абмяркоўваюць пытанні, звязаныя з пошукам рэсурсаў для павышэння якасці і аператыўнасці заканадаўчай дзейнасці. "У гэтым плане хачу звярнуць увагу на неабходнасць больш цеснага і плённага супрацоўніцтва з Саветам Рэспублікі, асабліва ў частцы вынясення законапраектаў на разгляд экспертнага савета, які створаны па рашэнні Прэзідэнта. Камісіі Палаты прадстаўнікоў павінны працаваць у цеснай звязцы з профільнымі камісіямі Савета Рэспублікі, сумесна ў сціслыя тэрміны адпрацоўваць існуючыя заўвагі", - адзначыў спікер.

версія для друку

зрабіць стартавай

дабавіць у выбранае