Падзеі
Андрэйчанка: адносіны паміж Беларуссю і Швейцарыяй заўсёды развіваліся прагматычна і канструктыўна
6 красавіка, Мінск /Кар. БЕЛТА/. Адносіны паміж Беларуссю і Швейцарыяй заўсёды развіваліся прагматычна і канструктыўна, заявіў старшыня Палаты прадстаўнікоў Уладзімір Андрэйчанка ў час сустрэчы з назначаным Надзвычайным і Паўнамоцным Паслом Швейцарскай Канфедэрацыі ў Рэспубліцы Беларусь Крысцінай Ханегер-Залатухін, перадае карэспандэнт БЕЛТА.
"На мой погляд, адносіны паміж нашымі краінамі, незалежна ад палітычнай кан'юнктуры, заўсёды развіваліся прагматычна і канструктыўна. І асабліва гэта было прыкметна ў апошнія гады, калі ў нас вельмі станоўча развівалася і наша міжпарламенцкае, і гандлёва-эканамічнае, і культурнае супрацоўніцтва, - сказаў Уладзімір Андрэйчанка. - Я з вялікай цеплынёй успамінаю свой візіт у вашу цудоўную краіну ў лютым 2018 года. Мы тады правялі шэраг плённых сустрэч з вашым высокім і вышэйшым кіраўніцтвам дзяржавы. Быў дасягнуты шэраг дамоўленасцей. Ну і самае галоўнае, што гэтыя дамоўленасці потым паспяхова рэалізоўваліся. У нас вельмі актыўна пачало нарошчвацца супрацоўніцтва і гандлёва-эканамічнае - усё ж такі больш як $300 млн тавараабарот быў. У культуры, спорце. Нават два хакейныя матчы былі - адзін у Мінску з удзелам Прэзідэнта нашай краіны, другі - у Швейцарыі. Ну і, вядома ж, з'явіўся ў Беларусі шэраг швейцарскіх кампаній. Гэта значыць, на такім добрым фоне, будзем гаварыць, ішло наша супрацоўніцтва".
Спікер падкрэсліў: на жаль, апошнім часам гэта ўсё затармазілася. "Лічу, што віны тут Беларусі няма. І не хачу сёння абвінавачваць той ці іншы бок. Гэта маё асабістае меркаванне - гэта ўсё ж такі вынік палітыкі ЗША, якая актыўна праціскае свае інтарэсы ў Еўропе на шкоду інтарэсам іншых дзяржаў. Нягледзячы і не беручы пад увагу ніякія міжнародныя абавязацельствы. Але я думаю, што час усё расставіць на свае месцы, - адзначыў ён. - Вы, працуючы тут, у Рэспубліцы Беларусь, павінны памятаць адно, што Беларусь заўсёды была і ёсць прыхільнікам міру, стабільнасці, бяспекі. Мы хочам, каб як мага хутчэй быў урэгуляваны расійска-ўкраінскі канфлікт. Ну і, вядома ж, па ўсіх напрамках мы гатовы супрацоўнічаць з вашай краінай. Хачу вам пажадаць паспяховай работы ў Рэспубліцы Беларусь, каб мы як мага хутчэй знаходзілі новыя агульныя інтарэсы, выходзілі на нейкія плённыя кантакты. І ў цэлым, каб у нас пашыраліся беларуска-швейцарскія адносіны, каб наша сумесная работа садзейнічала ўмацаванню міру і стабільнасці ў Еўропе".
"Вельмі добра памятаю ваш візіт у Швейцарыю. Мы былі вельмі рады, што нашы адносіны развіваюцца так добра, актыўна і дынамічна. Я асабіста вельмі рада, што мы змаглі адкрыць пасольства, - дапоўніла пасол. - У нас сёлета 30-годдзе дыпламатычных адносін. Гэта сведчыць аб тым, што мы першапачаткова былі перакананы, што ваша краіна важная і што нам адносіны з вамі патрэбны".
версія для друку
зрабіць стартавай
дабавіць у выбранае