Падзеі
Амбразевіч: Беларусь выступае за ўмацаванне ролі ААН у сучасным свеце
23 верасня, Мінск /Кар. БЕЛТА/. Беларусь выступае за ўмацаванне ролі ААН у сучасным свеце. Аб гэтым 22 верасня заявіў Пастаянны прадстаўнік Беларусі пры аддзяленні ААН і іншых міжнародных арганізацыях у Жэневе Юрый Амбразевіч, уручаючы даверчыя граматы Генеральнаму дырэктару Аддзялення ААН у Жэневе Міхаэлю Мёлеру, паведамілі БЕЛТА ў прэс-службе беларускага МЗС.
Міхаэль Мёлер адзначыў высокі ўзровень супрацоўніцтва з Пастаянным прадстаўніцтвам Беларусі, а таксама выказаў надзею на далейшае яго ўмацаванне. "Юрый Амбразевіч у сваю чаргу падкрэсліў, што кіраўніцтва Беларусі, якая з'яўляецца адной з краін - заснавальніц ААН, высока цэніць уклад Арганізацыі ў справу падтрымання міру, бяспекі і садзейнічання ўстойліваму развіццю дзяржаў і выступае за ўмацаванне яе ролі ў сучасным свеце", - расказалі ў прэс-службе.
Акрамя таго, бакі абмяняліся меркаваннямі аб дзейнасці аддзялення ААН і размешчаных у Жэневе міжнародных структур, падкрэслілі важнасць умацавання ўзаемадзеяння дзяржаў - членаў ААН. Абмяркоўваліся таксама актуальныя пытанні супрацоўніцтва Беларусі з ААН і размешчанымі ў краіне прадстаўніцтвамі міжнародных арганізацый, уключаючы ПРААН, ЮНІСЕФ і іншыя структуры, праінфармавалі ў МЗС.
версія для друку
зрабіць стартавай
дабавіць у выбранае