Падзеі

Алейнік узначаліць беларускую дэлегацыю на саміце БРІКС у ПАР

Фота з архiва

16 жніўня, Мінск /Кар. БЕЛТА/. Міністр замежных спраў Сяргей Алейнік узначаліць беларускую дэлегацыю на саміце БРІКС у Паўднёва-Афрыканскай Рэспубліцы, які пройдзе з 22 па 24 жніўня ў Іаханесбургу. Аб гэтым БЕЛТА паведаміў прэс-сакратар Міністэрства замежных спраў Анатоль Глаз.

"У нас ёсць адпаведнае запрашэнне, і наша дэлегацыя абавязкова плануе там быць. Нам блізкая і зразумелая асноўная тэма маючай адбыцца сустрэчы на вышэйшым узроўні, яна гучыць як "БРІКС і Афрыка: партнёрства ў інтарэсах сумеснага паскоранага росту, устойлівага развіцця і інклюзіўнай шматбаковасці". Таму Беларусь упершыню прыме ўдзел у мерапрыемствах названага саміту", - адзначыў Анатоль Глаз.

Ён удакладніў, што размова ідзе аб дыялогах БРІКС "Афрыка-аўтрыч" і БРІКС "плюс", якія пройдуць на наступным тыдні ў Іаханесбургу.

"Па даручэнні кіраўніка дзяржавы нашу дэлегацыю ўзначаліць міністр замежных спраў Сяргей Алейнік. Гэта аказія таксама традыцыйна будзе выкарыстана для арганізацыі на палях саміту сустрэч кіраўніка беларускай дэлегацыі з калегамі з шэрага іншых краін", - расказаў прэс-сакратар знешнепалітычнага ведамства.

версія для друку

зрабіць стартавай

дабавіць у выбранае