Падзеі

Алейнік у Маскве сустрэўся з кіраўніцтвам Дзярждумы і Савета Федэрацыі

Фота МЗС Беларусі

16 мая, Мінск /Кар. БЕЛТА/. Міністр замежных спраў Беларусі Сяргей Алейнік у час афіцыйнага візіту ў Расію сустрэўся са старшынёй Дзяржаўнай думы Федэральнага сходу Вячаславам Валодзіным. Аб гэтым БЕЛТА паведамілі ў прэс-службе МЗС.

"Серыя двухбаковых перагавораў у Маскве пачалася з сустрэчы міністра Сяргея Алейніка са старшынёй Дзяржаўнай думы Федэральнага сходу Вячаславам Валодзіным", - расказалі ў прэс-службе ведамства.

У гэты ж дзень Сяргей Алейнік правёў перагаворы са старшынёй Савета Федэрацыі Валянцінай Мацвіенка. "Супрацоўніцтва паміж парламентамі нашых краін займае асаблівае месца ў двухбаковых беларуска-расійскіх адносінах", - падкрэсліў міністр.

Як паведамлялася, Сяргей Алейнік знаходзіцца з афіцыйным візітам у Расіі. У Маскве ён таксама правядзе перагаворы з кіраўніком МЗС Расіі Сяргеем Лаўровым.

Знешнепалітычнае ўзаемадзеянне паміж Беларуссю і Расіяй мае сістэмны характар: Сяргей Алейнік і Сяргей Лаўроў сустракаліся 19 снежня 2022 года і 18-19 студзеня 2023 года ў Мінску, а таксама 14 красавіка 2023 года на палях пасяджэння Савета міністраў замежных спраў дзяржаў - удзельніц СНД.

"У рамках перагавораў міністраў замежных спраў Расійскай Федэрацыі і Рэспублікі Беларусь будзе разгледжана шырокае кола актуальных пытанняў двухбаковага супрацоўніцтва і міжнароднага парадку дня. Бакі абмяркуюць практычныя аспекты расійска-беларускага ўзаемадзеяння паміж МЗС, у тым ліку падрыхтоўку сумеснага пасяджэння калегій МЗС Расіі і МЗС Беларусі, якое пройдзе ў чацвёртым квартале бягучага года ў Маскве. Будзе праведзены агляд ходу выканання праграмы ўзгодненых дзеянняў у галіне знешняй палітыкі дзяржаў - удзельніц Дагавора аб стварэнні Саюзнай дзяржавы на 2022-2023 гады і плана кансультацый паміж міністэрствамі замежных спраў на 2023 год", - праінфармавалі ў МЗС Расіі.

версія для друку

зрабіць стартавай

дабавіць у выбранае