Падзеі

Алейнік наведае з афіцыйным візітам Саудаўскую Аравію

Фота з архiва

5 студзеня, Мінск /Кар. БЕЛТА/. Міністр замежных спраў Беларусі Сяргей Алейнік 7 і 8 студзеня наведае з афіцыйным візітам Каралеўства Саудаўская Аравія. Аб гэтым БЕЛТА паведамілі ў прэс-службе МЗС.

"Ключавым пунктам парадку дня стануць поўнафарматныя перагаворы Сяргея Алейніка са сваім калегам - міністрам замежных спраў прынцам Фейсалам бен Фарханам аль-Саудам", - праінфармавалі ў МЗС.

Праграмай візіту таксама запланаваны шэраг сустрэч беларускай дэлегацыі ў міністэрствах, ведамствах і з прадстаўнікамі дзелавых колаў Саудаўскай Аравіі. "Будуць абмеркаваны актуальныя пытанні двухбаковага і шматбаковага парадку дня з акцэнтам на гандлёва-эканамічнае ўзаемадзеянне, умацаванне палітычных сувязей, далейшае развіццё дагаворна-прававой базы. Асобнымі тэмамі перагавораў стануць харчовая бяспека, сітуацыя ў рэгіёне і свеце ў цэлым", - удакладнілі ў знешнепалітычным ведамстве.

версія для друку

зрабіць стартавай

дабавіць у выбранае