Падзеі

Алейнік на палях ГА ААН правёў перагаворы з кіраўнікамі МЗС Манголіі і Нікарагуа

Фота МЗС

20 верасня, Мінск /Кар. БЕЛТА/. Міністр замежных спраў Беларусі Сяргей Алейнік на палях Генеральнай Асамблеі ААН у Нью-Ёрку правёў перагаворы з кіраўнікамі МЗС Манголіі і Нікарагуа, паведамілі БЕЛТА ў прэс-службе знешнепалітычнага ведамства Беларусі.

Перагаворны дзень міністра Алейніка ў Нью-Ёрку пачаўся з сустрэчы з кіраўніком МЗС Манголіі Батцэцэг Батмунхійн. Бакі падкрэслілі канструктыўны характар адносін ва ўсіх сферах узаемнай цікавасці, а таксама абмеркавалі абмен візітамі, супрацоўніцтва ў сельскай гаспадарцы, пастаўкі тэхнікі.

На сустрэчы Сяргея Алейніка з кіраўніком МЗС Нікарагуа Дэнісам Манкада размова ішла аб перспектывах развіцця супрацоўніцтва дзвюх краін у галіне паставак айчынных харчовай і фармакалагічнай прадукцыі, тэхнікі, выкарыстання IT-тэхналогій. Закрануты таксама пытанні ўмацавання дагаворна-прававой базы. Міністры дамовіліся правесці 3-4 кастрычніка бягучага года ў Мінску пасяджэнне сумеснай камісіі па гандлёва-эканамічным супрацоўніцтве.

версія для друку

зрабіць стартавай

дабавіць у выбранае