Падзеі

Алейнік і пасол Дамініканы абмеркавалі падрыхтоўку пагаднення аб адмене віз

Фота МЗС

31 жніўня, Мінск /Кар. БЕЛТА/. Міністр замежных спраў Беларусі Сяргей Алейнік правёў сустрэчу з Надзвычайным і Паўнамоцным Паслом Дамініканскай Рэспублікі ў Беларусі Франкам Хансам Даненбергам Кастэльянасам у сувязі з завяршэннем яго дыпламатычнай місіі, паведамілі БЕЛТА ў прэс-службе МЗС.

Бакі абмеркавалі канкрэтныя крокі па пашырэнні і паглыбленні беларуска-дамініканскага супрацоўніцтва ў палітычнай, гандлёва-эканамічнай сферах, у тым ліку па лініі прамысловасці і сельскай гаспадаркі. Яшчэ адна тэма - максімальнае выкарыстанне патэнцыялу ўзаемадзеяння ў галіне турызму, адукацыі і інфармацыйных тэхналогій.

Асаблівая ўвага ўдзелена развіццю дагаворна-прававой базы, у прыватнасці, падрыхтоўцы да падпісання пагаднення паміж урадамі дзвюх краін аб адмене віз.

"Міністр замежных спраў Беларусі высока ацаніў намаганні пасла ў яго дзейнасці па збліжэнні інтарэсаў абедзвюх дзяржаў і пажадаў яму поспехаў у далейшай дыпламатычнай кар'еры", - адзначылі ў прэс-службе.

версія для друку

зрабіць стартавай

дабавіць у выбранае