Падзеі

Алейнік і Гуджэроці абмеркавалі супрацоўніцтва Беларусі і Ватыкана

Клаўдыа Гуджэроці і Сяргей Алейнік. Фота МЗС

29 чэрвеня, Мінск /Кар. БЕЛТА/. Міністр замежных спраў Беларусі Сяргей Алейнік сустрэўся з Папскім легатам, прэфектам Дыкастэрыі па справах Усходніх Цэркваў Святога Прастола архібіскупам Клаўдыа Гуджэроці. Аб гэтым БЕЛТА паведамілі ў прэс-службе МЗС.

Папскі легат прыбыў у Беларусь у якасці спецыяльнага пасланніка Папы Рымскага Францыска для ўдзелу ў святкаваннях, прысвечаных 25-й гадавіне Каранацыі абраза Будслаўскай Божай Маці.

"Асноўнымі тэмамі грунтоўных перагавораў сталі бягучая сітуацыя ў Еўразійскім рэгіёне і ў свеце ў цэлым, супрацоўніцтва Беларусі з Ватыканам у шматбаковых фарматах, двухбаковыя адносіны і кантакты на розных узроўнях са Святым Прастолам, - праінфармавалі ў МЗС. - Пацверджана ўзаемная нацэленасць на далейшае развіццё беларуска-ватыканскага супрацоўніцтва, а таксама ўмацаванне міжканфесійнага дыялогу, міру і згоды".

версія для друку

зрабіць стартавай

дабавіць у выбранае