Падзеі

27 снежня, Мінск /Кар. БЕЛТА/. Адміністрацыя Прэзідэнта Беларусі і Адміністрацыя Прэзідэнта Расіі заключылі мемарандум аб супрацоўніцтве, паведамляе БЕЛТА.

Падпісанне дакумента адбылося ў час візіту ў Маскву кіраўніка Адміністрацыі Прэзідэнта Беларусі Наталлі Качанавай і яе сустрэчы з расійскім калегам Антонам Вайнам.

Мемарандум прадугледжвае ўзаемадзеянне і правядзенне кансультацый паміж ведамствамі па шырокім коле пытанняў, уключаючы юрыдычную сферу, нарматворчасць, падрыхтоўку кадраў і дзяржслужбу, інфармацыйна-камунікацыйныя тэхналогіі.