Дакументы

Лукашэнка адобрыў праекты пагадненняў з Кубай і Нікарагуа аб супрацоўніцтве і ўзаемнай дапамозе ў мытных справах

Фота з архiва

15 ліпеня, Мінск /Кар. БЕЛТА/. Кіраўнік дзяржавы Аляксандр Лукашэнка падпісаў указы, якімі адобрыў у якасці асновы для правядзення перагавораў праекты міжурадавых пагадненняў Беларусі з Кубай і Нікарагуа аб супрацоўніцтве і ўзаемнай дапамозе ў мытных справах. Аб гэтым БЕЛТА паведамілі ў прэс-службе Прэзідэнта.

Праектамі пагадненняў вызначаюцца асноўныя прынцыпы і спосабы супрацоўніцтва ў сферы мытнай справы, а таксама формы аказання ўзаемнай дапамогі мытнымі органамі. Дакументы прадугледжваюць парадак узаемадзеяння пры накіраванні запытаў і прадастаўленні інфармацыі для выяўлення, спынення і расследавання мытных правапарушэнняў.

На правядзенне перагавораў па праектах пагадненняў упаўнаважаны Дзяржаўны мытны камітэт, на іх падпісанне - Міністэрства замежных спраў.

Рэалізацыя гэтых міжнародных дакументаў дасць магчымасць павысіць эфектыўнасць выканання мытнымі органамі Беларусі задач па абароне эканамічных інтарэсаў дзяржавы.

версія для друку

зрабіць стартавай

дабавіць у выбранае