Магілёўская вобласць

Гарадская ратуша. Магілёў

Магілёўская вобласць – адна з шасці абласцей Беларусі, размешчана на ўсходзе краіны.

Магілёўская вобласць – самы ўсходні рэгіён Беларусі, пагранічны з Расійскай Федэрацыяй. Усходнія суседзі рэгіёну – Смаленская і Бранская вобласці Расіі. На поўначы вобласць мяжуе з Віцебскай, на захадзе – з Мінскай, а на поўдні – з Гомельскай абласцямі.

Лясы займаюць каля 41% тэрыторыі вобласці.

Насельніцтва Магілёўскай вобласці

981,2 тыс. чалавек пражываюць у Магілёўскай вобласці (на 1 студзеня 2024 г.)
75,79% насельніцтва жывуць у гарадах
88,7% насельніцтва складаюць беларусы

У вобласці веравызнаюць 17 рэлігій. Асноўная – праваслаўе.

Пасёлкі і гарады Магілёўскай вобласці

У склад вобласці ўваходзяць 21 раён, 17 гарадоў, у тым ліку два гарады абласного падпарадкавання – Магілёў і Бабруйск, 6 пасёлкаў гарадскога тыпу, 2962 сельскія населеныя пункты.

Транспартныя зносіны Магілёўскай вобласці

Беларусь – важны транзітны маршрут паміж Расіяй і Еўропай, і Магілёўская вобласць мае развітую дарожную інфраструктуру. Чыгунка звязвае вобласць з усімі рэгіёнамі Беларусі, Украінай, Малдовай, краінамі Балтыі, шэрагам рэгіёнаў Расіі.

Прамымі аўтобуснымі рэйсамі вобласць звязана з Мінскам, Гомелем, Наваполацкам, Віцебскам, Оршай, Масквой, Смаленскам, Санкт-Пецярбургам і інш.

Вобласць перасякаюць сярэднія цячэнні трох вялікіх рэк – Дняпра, Сожа і Бярэзіны.

Прамысловасць Магілёўскай вобласці

Магілёўская вобласць – адзін з найважнейшых прамысловых рэгіёнаў Беларусі, які прадстаўлены больш як 200 прадпрыемствамі.

Вобласць займае лідзіруючыя пазіцыі па вытворчасці самаходных скрэпераў і падземных аўтапаяздоў, прычапной сельгастэхнікі, пасажырскіх ліфтаў у СНД. У Беларусі Магілёўская вобласць з’яўляецца галоўным вытворцам шын, цэменту, цэнтрабежных помпаў, электрарухавікоў, гумавага абутку, перавязачных матэрыялаў, мяккага даху і інш.

Асноўныя індустрыяльныя цэнтры вобласці – Магілёў і Бабруйск. У Магілёве размешчаны свабодная эканамічная зона і тэхнапарк "Магілёў".

Прыродныя рэсурсы Магілёўскай вобласці

Магілёўская вобласць багата на прыродныя рэсурсы і карысныя выкапні. Вядомы 1800 радовішчаў:

цэментная сыравіна (буйнейшыя ў краіне запасы мелу, мергелю, гліны і суглінкаў цэментных)
фасфарыты (унікальныя для Беларусі радовішчы)
пясчана-гравійныя сумесі
будаўнічыя і сілікатныя пяскі
торф
сапрапель
мінеральныя воды
трэпел (самае вялікае ў Беларусі радовішча)
нафта

Сельская гаспадарка Магілёўскай вобласці

Сельскагаспадарчыя ўгоддзі займаюць 1,2 млн гектаращ, у тым лику ворыва – 766 тыс. гектараў.

Вядучую ролю ў аграпрамысловым комплексе займае раслінаводства. Збожжавыя і зернебабовыя культуры размешчаны паўсюль. Больш як на 70% плошчаў яны даюць фуражнае збожжа і амаль 30% – харчовае.

Жывёлагадоўля мае малочна-мясны напрамак. У шэрагу раёнаў спецыялізаваныя гаспадаркі займаюцца пушной зверагадоўляй, развядзеннем коней, вытворчасцю рыбы.

Сярод важнейшых экалагічных праблем рэгіёну – радыеактыўнае забруджванне тэрыторыі пасля аварыі на Чарнобыльскай АЭС у 1986 годзе. Усяго забруджана амаль 35 % тэрыторыі вобласці.

Культура і сродкі масавай інфармацыі Магілёўскай вобласці

Багатая гісторыя, мастацкая літаратура Магілёўшчыны адлюстраваны ў шматлікіх помніках археалогіі, самабытнай архітэктурнай спадчыне, помніках манументальнага і дэкаратыўна-прыкладнога мастацтва. Сярод выдатных мясцін:

24 музеі
3 прафесійныя тэатры
філармонія

Буйныя міжнародныя музычныя і тэатральныя фестывалі штогод ладзяцца ў Магілёўскай вобласці. Сярод іх:

Міжнародны тэатральны форум М.@rt.кантакт у Магілёве
Міжнародны фестываль анімацыйных фільмаў "Анімаёўка" ў Магілёве
Міжнародны музычны фестываль "Залаты шлягер" у Магілёве
Міжнародны фестываль "Вянок сяброўства" ў Бабруйску
Міжнародны фестываль дзіцячай творчасці "Залатая пчолка" ў Клімавічах
Міжнароднае музычна-спартыўнае свята "Вялікая бард-рыбалка" ў Быхаўскім раёне

У вобласці выдаюцца 4 абласныя, 2 гарадскія і 21 раённая дзяржаўныя газеты. Таксама ёсць абласныя і гарадскія радыё- і тэлеканалы.

Славутыя мясціны Магілёўскай вобласці

Стагоддзі таму праз землі сучаснай Магілёўшчыны пралягаў гандлёвы шлях "з варагаў у грэкі", часткай якога быў Днепр – адна з найбуйнейшых рэк Еўропы. Са старажытных часоў вядомы гарады Мсціслаў (1135), Крычаў і Прапойск (Слаўгарад) (1136), Магілёў (1267). Пазней Магілёўская губерня была знакавым рэгіёнам Расійскай імперыі: Кацярына II дарыла тутэйшыя маёнткі фаварытам, а Мікалай II у гады Першай сусветнай вайны зрабіў Магілёў Cтаўкай Вярхоўнага галоўнакамандуючага.

Сярод выдомых мясцін рэгіёна: