Новую сінагогу ўпершыню за сто гадоў адкрылі ў Віцебску

Новую сінагогу ўпершыню за сто гадоў адкрылі ў кастрычніку 2017 года ў Віцебску. Ва ўрачыстасці акрамя членаў іўдзейскай рэлігійнай абшчыны горада прынялі ўдзел прадстаўнікі абласных і гарадскіх улад, праваслаўнай і каталіцкай цэркваў, госці з іншых гарадоў і краін, мясцовыя жыхары. У 2019-м тут адрадзілі традыцыю вывучэння Торы ў сінагозе. Іўдзейская рэлігійная абшчына "Дом Ізраіля" адкрыла колель. Праграма колеля (яго неафіцыйна называюць "універсітэтам", дзе дарослыя вывучаюць іўдзейскія каноны і запаведзі) прадугледжвае два семестры навучання.