Больш за 7 тысяч удзельнікаў сабраў фестываль "Моладзь за мір і стварэнне" ў Віцебску

Маладзёжны фестываль у гонар Міжнароднага дня абароны дзяцей 1 чэрвеня сабраў у Віцебску больш за 7 тысяч дзяцей з усёй вобласці. Старт мерапрыемству даў мітынг-рэквіем "Беларусь памятае. Моладзь памятае" на плошчы Перамогі.

Пасля ўскладання кветак да мемарыяла воінам-вызваліцелям, партызанам і падпольшчыкам Віцебшчыны ў суправаджэнні калектыву барабаншчыкаў Baraband маладзёжнае шэсце адправілася ад плошчы Перамогі да Летняга амфітэатра.