II Еўрапейскія гульні: веласпорт

Спаборніцтвы па дзвюх дысцыплінах веласіпеднага спорту – трэкавых і шасэйных гонках – пройдуць у Мінску. Упершыню на Еўрапейскіх гульнях вызначаць мацнейшых у спорце на трэку: з 27 па 30 чэрвеня на веладроме Мінск-Арэны 316 гоншчыкаў паспаборнічаюць за 20 камплектаў медалёў. У шасэйнай гонцы прымуць удзел 226 спартсменаў: усяго для іх прадугледжана 4 камплекты ўзнагарод. Веласіпедысты стартуюць з Кастрычніцкай плошчы і будуць перамяшчацца па кругу працягласцю 15 км уздоўж галоўных выдатных мясцін Мінска. Спаборніцтвы пройдуць з 22 па 25 чэрвеня.

Дарэчы, на першых Еўрапейскіх гульнях у Баку роўных у шасэйных гонках не было беларусам Васілю Кірыенку (золата ў індывідуальных стартах) і Алене Амялюсік (першае месца ў групавым заездзе).