Дакументы
Інвестдагаворы ў Беларусі будуць заключацца толькі ў вызначаных урадам прыярытэтных сектарах эканомікі
12 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка выдаў сёння дэкрэт нумар 8, які выкладае ў новай рэдакцыі дэкрэт ад 6 жніўня 2009 года нумар 10 "Аб стварэнні дадатковых умоў для інвестыцыйнай дзейнасці ў Рэспубліцы Беларусь". Аб гэтым БЕЛТА паведамілі ў прэс-службе беларускага лідара.
Пры распрацоўцы праекта дэкрэта быў прааналізаваны вопыт рэалізацыі інвестыцыйных праектаў па заключаных з Беларуссю інвестдагаворах, узяты пад увагу прапановы, накіраваныя зацікаўленымі дзяржаўнымі органамі, інвестарамі, бізнес-супольнасцю.
Выданне дэкрэта абумоўлена неабходнасцю ўдасканалення парадку заключэння, змянення, спынення інвестыцыйных дагавораў з Беларуссю, механізма прадастаўлення інвестарам ільгот, прэферэнцый, удакладнення іх пераліку, а таксама мер адказнасці інвестара пры парушэнні ўмоў інвестыцыйнага дагавора.
Дэкрэт прадугледжвае новаўвядзенні, якія раней не былі вызначаны інвестыцыйным заканадаўствам. Так, інвестыцыйныя дагаворы будуць заключацца толькі адносна прыярытэтных сектараў эканомікі, вызначаных урадам.
версія для друку
зрабіць стартавай
дабавіць у выбранае