Мемарыяльны музей-сядзіба Тадэвуша Касцюшкі

Каля горада Косава ў Івацэвіцкім раёне (Брэсцкая вобласць) знаходзіцца ўрочышча Мерачоўшчына. Тут размешчаны мемарыяльны музей-сядзіба Тадэвуша Касцюшкі. Яшчэ адна славутасць Мерачоўшчыны – палац Пуслоўскіх, вядомы таксама як Косаўскі замак, пабудаваны ў 1838 годзе. Цікава, што ў 1857 годзе менавіта Пуслоўскія ўпершыню адрэстаўравалі закінутую сядзібу Касцюшак.