Прамовы і інтэрв’ю

Кітайскі бок прадастаўляе Беларусі льготны крэдыт $3 млрд і камерцыйны крэдыт $4 млрд, якія будуць накіраваны, перш за ўсё, на стварэнне інавацыйных прадпрыемстваў, падкрэсліў Уладзімір Зіноўскі.

Міністр эканомікі растлумачыў, што льготны крэдыт - прыблізна пад 2 працэнты гадавых (канкрэтная стаўка адпрацоўваецца з Міністэрствам камерцыі КНР). Грошы пойдуць у асноўным на развіццё малога і сярэдняга бізнесу. "Аддаваць атрыманыя сродкі па крэдыце праз 15 гадоў пры 2 працэнтах гадавых - гэта вельмі выгадныя ўмовы", - лічыць міністр эканомікі.

"Мы прыцягваем крэдыты для таго, каб ствараць новыя рабочыя месцы і новыя прадпрыемствы з эканомікай 5-6 укладаў. Нам важны эканамічны рост, эканамічны прагрэс. Кітайскія крэдытныя рэсурсы будуць выкарыстаны на стварэнне новых тэхналогій", - дадаў ён.

Уладзімір Зіноўскі высока ацаніў значнасць Кітайска-беларускага індустрыяльнага парка "Вялікі камень". "Мы чакаем сур'ёзны эканамічны эфект ад рэалізацыі гэтага праекта. Так, рост сумарных інвестыцый да 2020 года разлічваецца на ўзроўні $3,5 млрд", - сказаў міністр эканомікі.