Прамовы і інтэрв’ю
"За рамкамі афіцыёзу". Лукашэнка звярнуўся з незвычайнай асабістай прапановай i сяброўскай парадай да Пакістана
26 лістапада, Ісламабад /Кар. БЕЛТА/. У цяперашні складаны час выжывуць толькі тыя краіны, якія будуць адзіныя. Аб гэтым Прэзідэнт Беларусі Аляксандр Лукашэнка заявіў журналістам па выніках перагавораў з прэм'ер-міністрам Пакістана Шахбазам Шарыфам у Ісламабадзе, перадае карэспандэнт БЕЛТА.
Кіраўнік дзяржавы адзначыў, што за рамкамі афіцыйных заяў - афіцыёзу, як выказаўся Прэзідэнт, - хацеў бы звярнуцца да пакістанскага боку з адной асабістай прапановай.
"Нашы адносіны ўжо тры дзясяткі гадоў выбудоўваюцца. І я працую Прэзідэнтам столькі ж гадоў. Для мяне Пакістан - гэта не штосьці далёкае. Гэта вельмі блізкая і дружалюбная для нас краіна. Мы некалі дамовіліся - больш за 10 гадоў таму - інтэнсіфікаваць нашы адносіны, і за гэты час нямала зрабілі. Тое, што адбываецца ў Пакістане, заўсёды нас хвалюе. Мы перажывалі за вас, калі здарылася страшная паводка. Мы вельмі перажываем за вас, калі тут адбываецца тое, што не павінна адбывацца ў вашым грамадстве. Мы таксама вельмі хвалюемся і перажываем за ўсё тое, што адбываецца сёння", - заявіў Аляксандр Лукашэнка.
Ён падкрэсліў, што ў свеце адбываюцца страшныя перамены, якіх не было апошнія некалькі стагоддзяў. "Свет вельмі турбулентны, змяненні кожны дзень. І ў гэты складаны час выжывуць толькія тыя краіны, якія будуць адзіныя і народы якіх будуць перажываць за будучыню сваёй краіны. Ідзе перадзел свету. Моцныя, багатыя краіны схапіліся ў гэтай жалезнай схватцы. Сёння ў свеце больш за 50 войнаў і канфліктаў. Ідзе жорсткая барацьба за лідарства сёння, заўтра і ў будучым. Ваша краіна як гіганцкая краіна, пятая па колькасці насельніцтва ў свеце, зразумела, уцягнута ў гэты водаварот. Пазіцыя Пакістана на міжнароднай арэне вам добра знаёма. Вы ведаеце, чаго хоча Пакістан. Але тое, чаго вы хочаце, не адпавядае жаданням буйных краін, якія сёння вядуць барацьбу за лідарства", - заўважыў кіраўнік дзяржавы.
Прэзідэнт нагадаў, што ў Ціхаакіянскім рэгіёне ЗША, Англія, Індыя, Аўстралія (магчыма, падключацца Японія і Паўднёвая Карэя) хочуць стварыць своеасаблівае "ціхаакіянскае НАТА".
"Пакістану, які хоча мірна развівацца, гэта, магчыма, нецікава. Таму вас будуць хістаць, у вас будуць пастаянна нагнятаць абстаноўку. І галоўнае, што я хацеў сказаць, гэта ўжо насельніцтва датычыцца: беражыце сваю краіну. Захавайце - у вас будзе месца для жыцця. Не захаваеце - будзе бяда. Сяброўская вам парада", - адзначыў беларускі лідар.
версія для друку
зрабіць стартавай
дабавіць у выбранае