Прамовы і інтэрв’ю

Прэзідэнт НАК: Беларусь заўсёды выступае за сумленную барацьбу на сусветных спартыўных арэнах

Віктар Лукашэнка. Фота НАК Беларусі

23 чэрвеня, Мінск /Кар. БЕЛТА/. Беларусь заўсёды выступае за сумленную барацьбу на сусветных спартыўных арэнах, заклікае ўсю сусветную алімпійскую супольнасць адпавядаць прынцыпам і ідэалам алімпізму і не падрываць гэтыя асновы. Аб гэтым гаворыцца ў віншаванні прэзідэнта Нацыянальнага алімпійскага камітэта Беларусі Віктара Лукашэнкі з Міжнародным алімпійскім днём, паведамілі БЕЛТА ў прэс-службе НАК.

"За ўсю сваю гісторыю ўклад алімпійскага руху ў падтрыманне ўстойлівага дыялогу паміж людзьмі немагчыма пераацаніць. Ён не мае межаў і нацыянальнасцей, павінен быць па-за палітыкай і накіраваны выключна на стварэнне і аб'яднанне", - падкрэсліў кіраўнік НАК. Ён таксама адзначыў, што сёння сусветны спорт знаходзіцца пад уплывам палітычнай сітуацыі і пакуль далёкі ад прынцыпаў сумленнай гульні, і не адпавядае правілам Алімпійскай хартыі.

Віктар Лукашэнка падзякаваў усім, хто мае дачыненне да алімпійскага руху, за каласальную працу і прафесіяналізм, неацэнны ўклад у папулярызацыю спорту ў Беларусі.

версія для друку

зрабіць стартавай

дабавіць у выбранае