Прамовы і інтэрв’ю

"Я прыехаў сюды з вельмі канкрэтным мандатам - развіваць двухбаковае супрацоўніцтва. Сённяшні момант я лічу спрыяльным таму, што ён адбываецца на фоне развіцця двухбаковых адносін у некалькіх планах. У першую чаргу ў палітычным", - сказаў дыпламат.

Віярэл Машану адзначыў, што апошнія 1,5-2 гады паміж дзвюма краінамі была серыя вельмі добрых кантактаў на ўзроўні знешнепалітычных ведамстваў. У прыватнасці, праходзілі сустрэчы з удзелам міністраў і намеснікаў міністраў. "У нас у планах развіваць гэтыя кантакты ў далейшым", - падкрэсліў пасол. У тым ліку будзе весціся работа па арганізацыі візіту міністра замежных спраў Румыніі ў Беларусь.

Акрамя таго, Віярэл Машану звярнуў увагу, што развіццё ўзаемадзеяння дзвюх краін адбываецца на фоне новага ўзроўню, які дасягнуты ў адносінах Беларусі і ЕС.

"Думаю, што ў двух бакоў ёсць поўнае разуменне таго, што трэба развіваць гандлёва-эканамічнае супрацоўніцтва. Для гэтага ёсць усе перадумовы, таму што нашы эканомікі падобныя і могуць узаемадапаўняць адна адну. Ёсць вялікі патэнцыял для развіцця", - сказаў пасол, працягваючы тэму беларуска-румынскіх адносін.

На яго думку, ёсць нядрэнныя перадумовы і для культурнага ўзаемадзеяння дзвюх краін. "У мяне ўжо была сустрэча з міністрам культуры. Адбыўся абмен думкамі, які абнадзейвае. Мы ўжо рыхтуем культурную праграму ў Беларусі. У пачатку снежня ў нас тут будзе першы канцэрт", - дадаў дыпламат. Ён растлумачыў, што гэта канцэртная праграма будзе паказана ў Мінску і Гродне. Пры гэтым у другі горад пасол мае намер выехаць разам з артыстамі. У Гродне дыпламат плануе абмеркаваць рэгіянальнае супрацоўніцтва з мясцовымі ўладамі.

Пасол таксама нагадаў, што прыехаў у Мінск нядаўна - паўтара месяца таму. Гэта першы кіраўнік румынскай дыпмісіі ў Беларусі за апошнія 19 гадоў у рангу пасла.