Прамовы і інтэрв’ю

Пакуль стаўленне бесшабашнае. Лукашэнка заклікаў беларусаў больш беражліва ставіцца да ўсіх рэсурсаў

10 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка заклікаў больш беражліва ставіцца да існуючых у краіне рэсурсаў. Аб гэтым кіраўнік дзяржавы заявіў у час урачыстага пуску артэзіянскай вады з падземных крыніц для ажыццяўлення водазабеспячэння Мінска, перадае карэспандэнт БЕЛТА.

"Мяне больш за ўсё непакоіць тое, што мы часам бесшабашна ставімся да тых рэсурсаў, якімі валодаем", - сказаў Аляксандр Лукашэнка. Гэта датычыцца, напрыклад, стаўлення да лясоў, зямельных рэсурсаў і шмат чаго іншага. "Тое ж самае ў нас па цвёрдых бытавых адходах. Тое ж самае ў нас па вадзе", - адзначыў кіраўнік дзяржавы.

Напрыклад, да гэтага часу па краіне застаюцца неўзараныя землі сельгаспрызначэння. У той час як Беларусь на экспарце атрымлівае каля $9 млрд у год і дадатковыя пасяўныя плошчы дадуць магчымасць павялічыць аб'ёмы вырашчанай прадукцыі і, адпаведна, нарасціць пастаўкі за мяжу.

Або яшчэ адзін прыклад - стаўленне да вады. Многія прывыклі лічыць гэты рэсурс танным і лёгкадаступным, тым больш што ў Беларусі прэснай вады дастаткова. Хоць спецыялісты разумеюць, наколькі затратны і працаёмкі працэс водазабеспячэння, тым больш калі размова ідзе пра такі горад, як Мінск.

"Вы, як ніхто іншы, разумееце, што гэта вельмі дарагая рэч - прабурыць свідравіну, падняць ваду, прапампаваць яе, яшчэ раз даачысціць", - сказаў Прэзідэнт, звяртаючыся да работнікаў "Мінскводаканала", якія прысутнічалі на цырымоніі. Аляксандр Лукашэнка звярнуў увагу, што ўсе гэтыя мерапрыемствы вельмі дарагія і даціруюцца за кошт бюджэту Мінска.

"Вы не плаціце за ваду столькі, колькі яна каштуе. Таму беражыце, калі ласка, ваду, як і іншыя рэсурсы, - падкрэсліў Прэзідэнт. - Беражлівасць заўсёды была ўласціва нашаму народу. Трэба захаваць гэтыя падыходы".

версія для друку

зрабіць стартавай

дабавіць у выбранае