Прамовы і інтэрв’ю

Назарук: санкцыі заходніх краін супраць Беларусі супярэчаць міжнароднаму праву

Ігар Назарук. Фота з архiва

26 ліпеня, Мінск /Кар. БЕЛТА/. Санкцыі заходніх краін супраць Беларусі супярэчаць міжнароднаму праву. Аб гэтым журналістам заявіў намеснік міністра замежных спраў Беларусі Ігар Назарук перад бізнес-брыфінгам па пытаннях супрацоўніцтва Беларускай гандлёва-прамысловай палаты з загранустановамі Беларусі, перадае карэспандэнт БЕЛТА.

"Беларусь працяглы час ужо знаходзіцца ў няпростых умовах - санкцыйная палітыка Захаду прымяняецца да нас з 1996 года. Вядома, гэта супярэчыць міжнароднаму праву. Ніхто, акрамя Савета Бяспекі ААН, не мае права накладаць санкцыі на незалежную дзяржаву", - заявіў Ігар Назарук.

У БелГПП сёння адбылася сустрэча кіраўнікоў беларускіх дыпламатычных прадстаўніцтваў і консульскіх устаноў з прадстаўнікамі экспартна арыентаваных прадпрыемстваў і арганізацый. Мерапрыемства праводзіцца ў рамках штогадовага семінара для кіраўнікоў беларускіх дыппрадстаўніцтваў і консульстваў. "Гэта традыцыйнае мерапрыемства. Мы сустракаемся з нашымі пасламі на пляцоўцы БелГПП, арганізуем сустрэчы нашых кіраўнікоў загранустаноў з прадстаўнікамі рэальнага сектара эканомікі - ключавымі прадпрыемствамі Беларусі. Гэта ўзбагачае і стварае новыя ланцужкі ўзаемадзеяння для таго, каб пашыраць нашы інтарэсы ў краінах акрэдытацыі беларускіх загранустаноў", - адзначыў намеснік міністра.

Паводле слоў Ігара Назарука, бягучыя паказчыкі сацыяльна-эканамічнага развіцця ўсяляюць упэўненасць у тым, што ўстаноўленыя Прэзідэнтам параметры будуць дасягнуты.

версія для друку

зрабіць стартавай

дабавіць у выбранае