Прамовы і інтэрв’ю
Мінкульт: Беларусь падтрымлівае ідэю стварэння кінафестывалю, які аб'яднае краіны СНД
Фота з архiва
20 лістапада, Мінск /Кар. БЕЛТА/. Беларусь падтрымлівае ідэю стварэння міждзяржаўнага кінафестывалю, які аб'яднае краіны СНД. Аб гэтым карэспандэнту БЕЛТА паведаміў намеснік міністра культуры Сяргей Саракач пасля пасяджэння рабочай групы па кінематаграфіі краін - удзельніц СНД, якая прайшла ў рамках кінафестывалю "Лістапад".
На пасяджэнні ўзнімаліся тры пытанні. Адно з іх датычылася правядзення міждзяржаўнага кінафестывалю - фестывалю фестываляў, які аб'яднае ўсе краіны СНД.
"Гэта ініцыятыва Казахстана. Ёсць шэраг пытанняў па правядзенні гэтага фестывалю, у бліжэйшы час яны будуць абмяркоўвацца на больш высокім узроўні і знойдуць сваё рашэнне. З боку Беларусі мы не пярэчым супраць правядзення такога фестывалю, усяляк яго будзем падтрымліваць", - расказаў Сяргей Саракач.
Яшчэ адно пытанне парадку дня датычылася работы кінаархіваў краін - удзельніц СНД. "Размова ідзе фактычна аб стварэнні адзінай нарматыўнай базы па ўзаемным абмене тым кінафондам, які ў нас захаваўся, для стварэння новых фільмаў, новых карцін, якія будуць садзейнічаць умацаванню нашых міждзяржаўных, міжкультурных сувязей", - праінфармаваў намеснік міністра.
Ён адзначыў, што ў бягучым годзе на "Лістападзе" ўстаноўлены своеасаблівы рэкорд. "Па-першае, гэта ўдзел 107 краін, пададзена больш за 2 тыс. заявак. Фестываль праходзіць на даволі высокім узроўні. Мы ў гэтым годзе рызыкнулі і адкрылі яго дэбютным фільмам "Кіношнікі" маладога рэжысёра. На мой погляд, гэта было абсалютна абгрунтаванае і правільнае рашэнне, паколькі па станоўчых водгуках мы бачым, што не пралічыліся, і карціна атрымалася сапраўды дастойнай. "Лiстапад" - гэта выдатная пляцоўка для наладжвання сувязей, для падпісання пагадненняў аб супрацоўніцтве. Яскравым прыкладам таго з'яўляецца дагавор з расійскімі партнёрамі - са студыяй Ігара Угольнікава па стварэнні сумеснага фільма "Бацька Мінай". У рамках фестывалю сёння таксама пройдзе падпісанне пагаднення аб беларуска-кітайскім фільме, які ў 32-годзе ўстанаўлення дыпламатычных адносін будзе характарызаваць нашы моцныя беларуска-кітайскія адносіны, наша моцнае сяброўства", - сказаў на заканчэнне Сяргей Саракач.
версія для друку
зрабіць стартавай
дабавіць у выбранае