Прамовы і інтэрв’ю
Мясніковіч: Беларусь нацэлена на пашырэнне шматпланавых кантактаў з Японіяй
14 лістапада, Мінск /Кар. БЕЛТА/. Беларусь нацэлена на пашырэнне шматпланавых кантактаў з Японіяй. Аб гэтым сёння ішла размова на сустрэчы, у якой прынялі ўдзел старшыня Савета Рэспублікі Нацыянальнага сходу Міхаіл Мясніковіч і кіраўнік Даследчага таварыства эканамічных і экалагічных аспектаў Азіяцка-Ціхаакіянскага рэгіёна Сіндзі Кавасакі, перадае карэспандэнт БЕЛТА.
Міхаіл Мясніковіч адзначыў, што ў Беларусі і Японіі шмат сумесных праектаў, аднак абмяжоўвацца гэтым не трэба. "Мы павінны забяспечваць як эканамічныя, так і палітычныя кантакты. Галоўнае, хацелася б, каб гэтыя сувязі былі шматпланавымі", - сказаў спікер верхняй палаты парламента.
У час сустрэчы ён прапанаваў засяродзіць увагу на парламенцкім супрацоўніцтве, а таксама на кантактах суб'ектаў гаспадарання. Акрамя таго, Міхаіл Мясніковіч пацікавіўся меркаваннем японскага госця наконт таго, што можа садзейнічаць больш паспяховаму пашырэнню эканамічных праектаў Беларусі і Японіі.
Японская дэлегацыя паспела наведаць у Беларусі шэраг машынабудаўнічых заводаў, а таксама прадпрыемстваў, якія вырабляюць дазіметрычную тэхніку. У японскага боку ёсць канкрэтныя праекты. Чакаецца, што гэты візіт надасць значны імпульс развіццю двухбаковых адносін, у тым ліку ў эканамічным плане.
версія для друку
зрабіць стартавай
дабавіць у выбранае