Прамовы і інтэрв’ю
Лукашэнка: У "Вялікім камені" адны з самых лепшых у свеце прававыя ўмовы вядзення бізнесу
1 жніўня, Мінск /Уладзімір Мацвееў - БЕЛТА/. На тэрыторыі Кітайска-беларускага індустрыяльнага парка "Вялікі камень" створаны адны з самых лепшых у свеце прававыя ўмовы вядзення бізнесу. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Камітэта па кантролі і кіраванні дзяржаўнай маёмасцю пры Дзяржаўным савеце КНР Сяа Яцынам, перадае карэспандэнт БЕЛТА.
"Сумесныя з кітайскімі кампаніямі праекты набіраюць абароты. Яркі прыклад таго - будаўніцтва Кітайска-беларускага індустрыяльнага парка "Вялікі камень". Я вельмі хацеў бы (ведаю, такое ж меркаванне і ў Старшыні Сі Цзіньпіна), каб "Вялікі камень" стаў узорам сумеснага супрацоўніцтва, каб кітайскія карпарацыі вельмі актыўна прымалі ўдзел у рэалізацыі гэтай задумы", - сказаў кіраўнік дзяржавы.
Ён адзначыў, што Парк становіцца міжнародным, шырокі інтарэс да яго праяўляецца з боку беларускіх, еўрапейскіх, амерыканскіх і расійскіх кампаній. Аляксандр Лукашэнка прывёў у якасці прыкладу глабальнага еўрапейскага аператара "Дуйспорт", які гатовы ўдзельнічаць у кіраванні паркам і прымяняць там свой вопыт.
версія для друку
зрабіць стартавай
дабавіць у выбранае