Прамовы і інтэрв’ю

Лукашэнка: сучасныя выклікі сплятаюць нацыянальныя інтарэсы краін АДКБ у адзін вузел

23 лістапада, Мінск /Кар. БЕЛТА/. Сучасныя выклікі сплятаюць нацыянальныя інтарэсы краін Арганізацыі Дагавора аб калектыўнай бяспецы ў адзін вузел. Аб гэтым Прэзідэнт Беларусі Аляксандр Лукашэнка заявіў на сесіі Савета калектыўнай бяспекі АДКБ у вузкім складзе, перадае карэспандэнт БЕЛТА.

"Безумоўна, кожны з нас глядзіць на свет праз прызму нацыянальных інтарэсаў. Гэта зразумела, апраўдана. Мы, кіраўнікі дзяржаў, нясём адказнасць за свае народы і адказваем перад імі за іх будучыню і бяспеку. У той жа час баланс захавання нацыянальных і калектыўных інтарэсаў усімі дзяржавамі - членамі АДКБ гарантуе стабільнасць і бяспеку рэгіёна ў цэлым. Гэта дыялектыка, - адзначыў Аляксандр Лукашэнка. - Пры тым, што ў кожнага з нас ёсць свая зона адказнасці ў рамках арганізацыі, мы разумеем, што сучасныя выклікі і пагрозы маюць глабальны характар. Больш таго, яны сплятаюць нашы нацыянальныя інтарэсы ў адзін вузел".

Кіраўнік дзяржавы спыніўся на ключавых, магістральных праблемах, якія, паводле яго слоў, закранаюць усіх членаў АДКБ і цесна ўзаемазвязаны адна з адной.

"Нас ужо закруціў віхор змены эпох. Пра гэта вы ўсе вельмі часта гаворыце ў сваіх выступленнях. Мы з вамі - сведкі разбурэння былой сістэмы міжнародных адносін. І мы - удзельнікі злому існуючай аднапалярнай, калі хочаце, заходнецэнтрычнай мадэлі. Адбываецца паэтапны пераход да шматпалярнасці. Складаны, драматычны пераход. Гэта звязана з тым, што заходнія палітыкі не хочуць уступаць сваіх пазіцый, ігнаруючы няўмольны ход гісторыі, які, як вядома, спыніць немагчыма", - падкрэсліў Прэзідэнт.

версія для друку

зрабіць стартавай

дабавіць у выбранае