Прамовы і інтэрв’ю

Лукашэнка расказаў пра размову з Пуціным пра вялікі абмен зняволенымі з Захадам

Скрыншот відэа ЦОС ФСБ Расіі, з салона самалёта падчас палёту з Масквы ў Турцыю. На кадрах - абмененыя Гершковіч і Крыегер

18 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю тэлеканалу "Расія" расказаў падрабязнасці размовы з Прэзідэнтам Расіі Уладзімірам Пуціным аб маштабным абмене асуджанымі, у выніку якога на радзіму былі вернуты з краін Захаду многія расійскія грамадзяне, перадае карэспандэнт БЕЛТА.

Аляксандр Лукашэнка звярнуў увагу, што на любога чалавека аказвае ўплыў яго мінулае, у тым ліку прафесійная дзейнасць, якой было прысвечана шмат гадоў. І ў гэтым плане Уладзімір Пуцін не выключэнне.

"Ён, напрыклад, служыў у разведцы. Ну хіба ён мог кінуць людзей, якія служаць на тых жа пасадах?.. Ён хіба мог іх кінуць? Не. Таму мы іх і выцягвалі з-за граніцы, - сказаў Прэзідэнт. - Інакш кажучы вось, як мінулае ўплывае на чалавека".

Кіраўнік дзяржавы расказаў, што не раз гаварыў на гэту тэму з расійскім калегам, які тлумачыў свае дзеянні наступным чынам: "Як кінуць гэтых людзей? Гэта ж нашы хлопцы, яны ж - у імя Расіі", - перадаў Прэзідэнт словы Пуціна.

версія для друку

зрабіць стартавай

дабавіць у выбранае