Прамовы і інтэрв’ю

Лукашэнка назваў адзінае пытанне, якое хацеў бы абмеркаваць з Сі Цзіньпінам

4 снежня, Мінск /Кар. БЕЛТА/. Прэзідэнт Беларусі Аляксандр Лукашэнка на перагаворах у Пекіне са Старшынёй КНР Сі Цзіньпінам назваў адзінае галоўнае пытанне, якое хацеў бы абмеркаваць, - гэта хуткасць у рэалізацыі намечаных планаў па развіцці двухбаковага супрацоўніцтва, перадае карэспандэнт БЕЛТА.

"Калі я рыхтаваўся да гэтага візіту і сваіх калег распытваў (размова пра нараду з кіраўніцтвам урада і Адміністрацыі Прэзідэнта, на якой абмяркоўваліся ў тым ліку пытанні развіцця беларуска-кітайскага супрацоўніцтва. - Заўвага БЕЛТА) аб тым, што трэба зрабіць, што не рухаецца наперад, каб сказаць Старшыні пра гэта, мы не знайшлі ніводнага пытання, па якім не было б руху. Адзінае пытанне, якое я хацеў бы з Вамі абмеркаваць сёння, - гэта хуткасць", - заявіў кіраўнік дзяржавы.

"Час настолькі спрасаваны. І ад нас (можа, на шчасце, можа, на жаль) гэта спрасаванасць не залежыць. Ён настолькі спрасаваны, што мы часам адстаём, не паспяваем. Гэта не толькі Кітай, Беларусь… Усюды так адбываецца ў свеце. І той, хто першы прыйдзе да сваёй мэты, той і будзе на вяршыні", - дадаў Аляксандр Лукашэнка.

версія для друку

зрабіць стартавай

дабавіць у выбранае