Прамовы і інтэрв’ю

Лукашэнка: калі ўкраінцы не пераступяць граніцу, Беларусь ніколі не будзе ўдзельнічаць у гарачай вайне

17 жніўня, Мінск /Кар. БЕЛТА/. Калі ўкраінцы не пераступяць граніцу, Беларусь ніколі не будзе ўдзельнічаць у гарачай вайне. Аб гэтым Прэзідэнт Беларусі Аляксандр Лукашэнка заявіў у інтэрв'ю ўкраінскай журналістцы Дзіяне Панчанка, паведамляе БЕЛТА.

Журналістка спытала ў кіраўніка дзяржавы, ці ёсць такія абставіны, пры якіх Беларусь можа паўнацэнна ўступіць у вайну ва Украіне.

"Калі вы, украінцы, не пераступіце нашу граніцу, мы ніколі не будзем у гэтай вайне ўдзельнічаць. У гэтай гарачай вайне, - адказаў Аляксандр Лукашэнка. - Але дапамагаць Расіі мы будзем заўсёды - гэта нашы саюзнікі. Вы ведаеце, што і баявое зладжванне, і падрыхтоўка, і боепрыпасы, зброя, і іншае - вам 55 краін дапамагаюць. А Расіі вось так адкрыта дапамагае толькі Беларусь".

Дзіяна Панчанка ў сваю чаргу заўважыла, што ва Украіне часта можна пачуць, што Уладзімір Пуцін схіляе Прэзідэнта Беларусі да таго, каб уцягнуць краіну ў вайну.

"Глупства поўнае. Ведаеце чаму? Таму што гэта нічога не дасць. Дадаткова 70 000 войскаў нічога не дадуць, нічога, - падкрэсліў кіраўнік дзяржавы. - У іх хапае жывой сілы і тэхнікі. Таму ўцягваць Беларусь... Што гэта дасць? Вось вы мне скажыце, што гэта дасць, калі мы пачнём ваяваць супраць Украіны? Нічога".

версія для друку

зрабіць стартавай

дабавіць у выбранае