Прамовы і інтэрв’ю

Лукашэнка: без развіцця вёскі краіны не будзе, гэта аснова

9 жніўня, Шклоў /Кар. БЕЛТА/. Без развіцця вёскі краіны не будзе, гэта аснова. Аб гэтым Прэзідэнт Беларусі Аляксандр Лукашэнка заявіў на нарадзе ў Шклове, перадае карэспандэнт БЕЛТА.

"Без развіцця вёскі краіны не будзе. Ні нашай, ні Расіі, ні Украіны. Мы - славяне, людзі калектыўныя па свайму духу, менталітэту. Таму вёска - гэта аснова", - заявіў кіраўнік дзяржавы.

Прэзідэнт арыентаваў на тое, каб зрабіць чарговы крок па развіцці сельскагаспадарчай вытворчасці.

"Таму што без яе краіны няма, па-першае. А па-другое, попыт на прадукты харчавання пастаянна ўзрастае і будзе расці. На жаль, лішніх зямель на планеце няма", - растлумачыў Аляксандр Лукашэнка.

Ён згадаў спробы вырошчваць сельгаспрадукцыю нават у пустыні, але адзначыў, што на гэта расходуюцца вялікія сродкі. "Таму трэба інтэнсіфікавацца. Попыт на прадукты харчавання будзе расці, таму што шалёнымі тэмпамі ў свеце расце насельніцтва. Вось простая формула. Нам нельга адстаць", - падкрэсліў кіраўнік дзяржавы.

Ёсць яшчэ важныя аспекты, на якіх зрабіў акцэнт Прэзідэнт: сельская гаспадарка ўносіць істотны ўклад у фарміраванне ВУП, іграе на карысць іміджу краіны. Адзін чалавек, заняты ў сельскай гаспадарцы, забяспечвае работу для 7-10 чалавек у горадзе.

"Можна шмат называць прычын, якія штурхаюць нас да развіцця сельскагаспадарчай вытворчасці. Немалаважна, што мы ўмеем гэта рабіць. У нас створана добрая школа, у нас ёсць база. Мы не разбурылі той фундамент, які быў створаны ў савецкі час для развіцця сельскагаспадарчай вытворчасці, якая ў тым ліку цягне за сабой вялікі кавалак прамысловасці. Сельгасмашынабудаванне - палова нашай прамысловасці, гэта вялікая справа", - падкрэсліў беларускі лідар.

версія для друку

зрабіць стартавай

дабавіць у выбранае