Прамовы і інтэрв’ю

Лукашэнка аб рэакцыі на інцыдэнт з дзяржсцягам у Рызе: такія моманты ўзбуджаюць у нас пачуццё патрыятызму

26 мая, Мінск /Кар. БЕЛТА/. Прэзідэнт Беларусі Аляксандр Лукашэнка сёння, адказваючы на пытанні парламентарыяў на сустрэчы ў Авальнай зале, выказаўся на тэму папулярызацыі дзяржаўных сімвалаў, і ў тым ліку закрануў інцыдэнт са зняццем дзяржаўнага сцяга Беларусі ў Рызе, перадае карэспандэнт БЕЛТА.

Прэзідэнт звярнуў увагу на тое, што ў плане папулярызацыі дзяржаўных сімвалаў штучна час нельга паскорыць, але такія сітуацыі, як у Рызе, выклікаюць у грамадзян уздым патрыятызму і павагу да нацыянальных сімвалаў.

Аляксандр Лукашэнка адзначыў: міністр замежных спраў Латвіі і мэр Рыгі замянілі беларускі дзяржаўны сцяг на бела-чырвона-белую сімволіку, нават не падумаўшы, каму гэта выгадна, і пераважная большасць латышоў не падтрымала гэтыя дзеянні.

"Вось такія моманты ўзбуджаюць у нас пачуццё патрыятызму і адданасці. Мы становімся дзяржаўнымі людзьмі, народам", - падкрэсліў кіраўнік дзяржавы. Разам з тым Аляксандр Лукашэнка адзначыў: нічога добрага няма, напрыклад, ва ўзаемным ад'ездзе дыпламатаў з пасольстваў Беларусі і Латвіі.

Кіраўнік дзяржавы адзначыў важнасць актыўнай папулярызацыі дзяржсімвалаў на рэгулярнай аснове. Важна, каб можна было па даступнай цане набыць сабе гэтыя сімвалы.

"Мы павінны дайсці да гэтага. Трэба выкараняць "абыякавасць", калі мы хочам быць народам, суверэннай і незалежнай дзяржавай. Актыўней трэба быць", - рэзюмаваў беларускі лідар.

версія для друку

зрабіць стартавай

дабавіць у выбранае