Прамовы і інтэрв’ю

Кіраўнік ЦВК: на прэзідэнцкіх выбарах 2025 года кола міжнародных наглядальнікаў будзе пашырана

Фота з архiва

16 верасня, Мінск /Кар. БЕЛТА/. На прэзідэнцкіх выбарах 2025 года кола міжнародных наглядальнікаў будзе пашырана, заявіў у эфіры тэлеканала СТБ старшыня ЦВК Ігар Карпенка, паведамляе БЕЛТА.

"Мы пад прэзідэнцкія выбары 2025 года плануем пашырыць кола міжнародных наглядальнікаў. У тым ліку за кошт запрашэння цэнтральных выбарчых органаў тых краін, з якімі мы ўзаемадзейнічаем у рамках Міжнароднай асацыяцыі выбарчых органаў. Зразумела, што ўсе 120 краін мы запрашаць не будзем, але разам з тым не толькі выбарчыя органы краін СНД будуць запрошаны на прэзідэнцкія выбары 2025 года", - расказаў Ігар Карпенка.

Паводле яго слоў, ЦВК Беларусі таксама актыўна запрашаюць прыняць удзел у назіранні за выбарамі ў іншых краінах. "Я быў на рэферэндуме і на прэзідэнцкіх выбарах ва Узбекістане. Мы пабывалі на апошніх парламенцкіх выбарах у Азербайджане, на прэзідэнцкіх выбарах у Расійскай Федэрацыі. Прычым у Расійскай Федэрацыі мы не проста ўзаемадзейнічаем з Цэнтральнай выбарчай камісіяй, мы яшчэ ўзаемадзейнічаем з тэрытарыяльнымі выбарчымі камісіямі, напрыклад Ленінградскай вобласці. У рамках Міжнароднай асацыяцыі выбарчых органаў мы таксама вывучаем вопыт і далёкага замежжа", - дапоўніў кіраўнік ЦВК.

версія для друку

зрабіць стартавай

дабавіць у выбранае