Прамовы і інтэрв’ю
Кіраўнікі спартыўнай галіны настройваюць беларускіх алімпійцаў на максімальны рэзультат у Рыа
10 жніўня, Мінск /Кар. БЕЛТА/. Беларускім спартсменам неабходна поўнасцю сканцэнтравацца на выступленні і пастарацца дабіцца максімальнага рэзультату на Алімпіядзе-2016. Аб гэтым ішла размова на рабочым сходзе беларускай дэлегацыі ў Рыа-дэ-Жанэйра, паведамляе сайт Нацыянальнага алімпійскага камітэта Беларусі.
Па выніках выступлення ў пяці спаборніцкіх днях Алімпійскіх гульняў першы віцэ-прэзідэнт НАК Максім Рыжанкоў і міністр спорту і турызму Аляксандр Шамко далі як крытычную ацэнку бягучым рэзультатам спартсменаў, так і адзначылі пазітыўныя моманты. Перад кожным з атлетаў пастаўлены канкрэтныя задачы па маючых адбыцца выступленнях.
У рамках сходу калегі павіншавалі з днём нараджэння велагоншчыка Канстанціна Сіўцова, якому 9 жніўня споўнілася 34 гады, а сёння трэба будзе стартаваць у індывідуальнай гонцы з раздзельным стартам.
Пасля пяці дзён Алімпіяды беларускія спартсмены не заваявалі ні адной узнагароды. Пакуль бліжэй за ўсіх да п'едэстала падышоў 40-гадовы Уладзімір Самсонаў, які прабіўся ў чацвёрку паўфіналістаў турніру па настольным тэнісе.
Таксама ў штабе беларускай дэлегацыі пры садзейнічанні пасольства Беларусі ў Бразіліі адбыўся малебен за ўсіх беларускіх спартсменаў, якія выступаюць у Рыа-дэ-Жанэйра.
версія для друку
зрабіць стартавай
дабавіць у выбранае