Прамовы і інтэрв’ю

Кіраўнік МЗС Экватарыяльнай Гвінеі: пры садзейнічанні Беларусі мы зможам дасягнуць мэт устойлівага развіцця

Сімяон Аёна Эсона Ангуэ

9 снежня, Малаба /Кар. БЕЛТА/. Пры садзейнічанні Беларусі Экватарыяльная Гвінея зможа дасягнуць мэт устойлівага развіцця. Аб гэтым у Малаба заявіў журналістам міністр замежных спраў, міжнароднага супрацоўніцтва і дыяспары Рэспублікі Экватарыяльная Гвінея Сімяон Аёна Эсона Ангуэ, перадае карэспандэнт БЕЛТА.

Адказваючы на пытанне аб тым, дзякуючы чаму краіны літаральна на працягу паўгода змаглі істотна рушыць наперад у развіцці супрацоўніцтва, міністр сказаў: "Гэта неабходнасць адпавядаць выклікам цяперашняга часу. Таму што сёння глабальная сітуацыя такая, што супрацоўнічаць трэба вельмі хутка і сумесна. Паасобку немагчыма спраўляцца. Пры садзейнічанні Беларусі мы зможам дасягнуць мэт устойлівага развіцця, якія перад намі паставіла кіраўніцтва краіны. Менавіта таму на працягу паўгода Беларусь ператварылася ў прывілеяванага партнёра Экватарыяльнай Гвінеі ў супрацоўніцтве. І мы прадоўжым гэта цеснае ўзаемадзеянне на карысць абедзвюх дзяржаў".

Кіраўнік МЗС выказаў удзячнасць беларускаму боку за афіцыйны візіт Прэзідэнта ў Малаба. "Гэты візіт у значнай ступені ўзмоцніць узаемадзеянне паміж нашымі краінамі ў розных сферах. Перш за ўсё мы гаворым аб ахове здароўя, інфраструктурных праектах, - сказаў ён. Падрыхтаваны да падпісання шэраг двухбаковых дакументаў. Будзе падпісана 15 дакументаў, у тым ліку ў такіх сферах, як прамысловасць, бяспека, сельская гаспадарка".

Міністр таксама расказаў, што напярэдадні разам з беларускім калегам Сяргеем Алейнікам і з удзелам кіраўнікоў іншых міністэрстваў і ведамстваў з абодвух бакоў у Малаба прайшла вялікая нарада. Быў абмеркаваны шырокі спектр пытанняў, якія ўяўляюць узаемную цікавасць.

версія для друку

зрабіць стартавай

дабавіць у выбранае